Það er orðið ljóst að Breiðablik og Víkingur mætast í hreinum úrslitaleik um Íslandsmeistaratitilinn.

Staðan er þannig að Víkingur er á toppnum með betri markatölu en Blikar og er nú spurning hvort liðið verður í bílstjórasætinu fyrir lokaumferðina.

ÍA, sem er í 5. sæti með 37 stig fær Víking í heimsókn á meðan Breiðablik tekur á móti Stjörnunni.

Valur á þá möguleika á að tryggja Evrópusætið en til þess þarf liðið að vinna FH og treysta á að Stjarnan tapi stigum gegn Blikum.

Í neðri hlutanum heimsækir Vestri lið KA á Akureyri. Með sigri getur Vestri farið langleiðina með að tryggja áframhaldandi veru í deildinni.

Leikir dagsins:

Besta-deild karla - Efri hluti
14:00 ÍA-Víkingur R. (ELKEM völlurinn)
14:00 FH-Valur (Kaplakrikavöllur)
17:00 Breiðablik-Stjarnan (Kópavogsvöllur)

Besta-deild karla - Neðri hluti
14:00 KA-Vestri (Greifavöllurinn)