Varnarmaðurinn Axel Tuanzebe er fjarri góðu gamni eftir að hafa skorið sig illa í uppvaskinu heima hjá sér.
09.10.2024 08:30
Tuanzebe frá næsta mánuðinn eftir slys í uppvaskinu
Tuanzebe verður frá næstu vikurnar og greinir Kieran McKenna, þjálfari Ipswich Town, frá því að leikmaðurinn var næstum búinn að missa þumalputtann.
Upprunalega var búist við að Tuanzebe yrði meiddur í um það bil einn mánuð en núna virðist tíminn vera orðinn lengri. Leikmaðurinn gæti verið frá keppni út árið.
„Axel var mjög nálægt því að missa þumalinn. Hann þurfti aðgerð til að bjarga sinunum í fingrinum og endurhæfingin gengur vel, en þetta mun taka tíma. Þumallinn er mikilvægur partur af líkamanum og hefur áhrif á frammistöðu í fótbolta þó það hljómi ekki þannig fyrir mörgum," segir McKenna, en Tuanzebe verður ekki með Ipswich gegn Everton í dag.
Tuanzebe er 26 ára gamall og leikur fyrir landslið Austur-Kongó eftir að hafa alist upp hjá Manchester United og spilað fyrir yngri landslið Englands.
Athugasemdir
