„Hvað er hægt að segja? Þetta var eitthvað ótrúlegasta sem ég spilað í. Þetta var bara geggjað.“ sagði Danijel Dejan Djuric, leikmaður Víkings, sem skoraði sigurmarkið alveg í blálokin.
Lestu um leikinn: ÍA 3 - 4 Víkingur R.
Djuric átti ekki orð yfir dramatíkinni á Skaganum í dag.
„Þetta var eitthvað það ótrúlegasta sem ég hef spilað í. Það var 3-3 og ég sá klukkuna og hugsaði að þetta er hægt. Það er einhver ára yfir okkur og við kláruðum þetta.“
Hvernig leið Djuric þegar hann skorar þetta sigurmark?
„Ég man varla eftir því. Ég man bara boltinn kemur inn í og ég flikka honum smá. Næsta mynd sem ég sé er stöngin inn. Ég hleyp bara og er búinn á því.“
Hvað fór í gegnum hausinn þegar Skagamenn skoruðu markið sem var svo tekið af þeim?
„Hann dæmdi samt strax, það var varla sekúnda sem maður fékk til að hugsa þetta. Hann dæmdi strax og þá var þetta búið.“
Hvernig var að spila í þessum aðstæðum, voru þær erfiðar?
„Ég hef aldrei komið hingað þegar það er sól og sumar. Erfiðar? Völlurinn er smá þungur og allt það en gaman að vinna.“
Nánar er rætt við Danijel í spilaranum hér að ofan.