Sölvi Sigmarsson hefur framlengt samning sinn við Fjölni til loka árs 2027.
Sölvi er 21 árs gamall miðjumaður og uppalinn hjá félaginu en hann lék sex leiki með meistaraflokki í sumar.
Hann hóf meistaraflokksferil sinn, eins og svo margir aðrir hjá Fjölni, hjá Vængjum Júpiters. Hann spilaði sumarið 2021 og 2022 hjá Vængjunum, en var síðan lánaður í Hauka á síðasta ári.
Hjá Haukum spilaði hann 20 leiki og tókst honum síðan að festa sæti í hópnum hjá Fjölni í sumar.
Sölvi hefur nú framlengt samning sinn til næstu þriggja ára eða út 2027.
Fjölnir hafnaði í þriðja sæti Lengjudeildarinnar á síðasta tímabili og tapaði síðan fyrir Aftureldingu í undanúrslitum umspilsins um sæti í Bestu deildina.
Athugasemdir