Brasilíski kantmaðurinn gekk í raðir Man Utd frá Ajax fyrir 86 milljónir punda sumarið 2022. Kaupin á honum eru líklega þau verstu í sögu ensku úrvalsdeildarinnar.

Hinn 24 ára gamli Antony hefur einungis skorað 12 mörk í 86 leikjum fyrir United en á yfirstandandi tímabili hefur hann verið í algjöru aukahlutverki. Hann var ónotaður varamaður í 2-1 sigri gegn Brentford um síðustu helgi.

Ajax hefur áhuga á honum, en hollenska stórliðið er einnig með áhyggjur af hugarástandi hans og hvort að hann geti fundið sitt gamla form aftur eftir hræðilegan tíma í Englandi.