Hinn 45 ára gamli Forlan, sem hætti í fótbolta árið 2019, mun spila við hlið Argentínumannsins Federico Coria. Sá er númer 101 á heimslistanum í einliðaleik.

Forlan var efnilegur í tennis á sínum yngri árum og hann hefur verið að leika sér í íþróttinni eftir að hann lagði fótboltaskóna á hilluna. Núna mun hann hins vegar spila alvöru leik.

Forlan lék á sínum tíma fyrir Manchester United en hann átti líklega sín bestu ár hjá Atletico Madrid og Villarreal á Spáni. Hann spilaði 112 landsleiki fyrir Úrúgvæ og var markahæsti leikmaðurinn á HM 2010.