Það veltu margir því fyrir sér hvers vegna Frederik Schram var ekki í leikmannahópi Vals þegar liðið heimsótti FH í Hafnarfjörðinn á laugardag.
Ögmundur Kristinsson var mættur aftur í markið hjá Val en á bekknum var Stefán Þór Ágústsson sem Valur fékk frá Selfossi fyrir tímabilið.
Ögmundur Kristinsson var mættur aftur í markið hjá Val en á bekknum var Stefán Þór Ágústsson sem Valur fékk frá Selfossi fyrir tímabilið.
Lestu um leikinn: FH 1 - 1 Valur
Frederik var aðalmarkvörður Vals fyrri hluta tímabilsins en nokkrum leikjum eftir komu Ögmunds varð breyting og Ögmundur fór í markið. Þá var búið að greina frá því að Frederik yrði ekki áfram hjá Val eftir þetta tímabil. Frederik hafði hins vegar varið mark Vals í síðustu tveimur leikjum vegna meiðsla Ögmunds.
Ögmundur þurfti svo að fara af velli vegna meiðsla í leiknum gegn FH og lék Stefán lokakaflann í leiknum.
Frederik hefur verið orðaður við FH og einhverjir hafa velt því fyrir sér hvort sá orðrómur hafi verið ástæðan fyrir hans fjarveru í leiknum - sem sagt að Valsmenn vildu ekki tefla honum fram í mikilvægum leik gegn liðinu sem hann gæti verið á leið í. Valur er í harðri baráttu um Evrópusæti og þarf að fá stig í lokaumferðinni til að tryggja sér það.
En svo var ekki. Frederik staðfestir í samtali við Fótbolta.net í dag að meiðsli í baki hafi verið ástæðan fyrir því að hann var ekki í hópnum á laugardaginn.
Besta-deild karla - Efri hluti
Lið | L | U | J | T | Mörk | mun | Stig |
---|---|---|---|---|---|---|---|
1. Víkingur R. | 26 | 18 | 5 | 3 | 68 - 30 | +38 | 59 |
2. Breiðablik | 26 | 18 | 5 | 3 | 60 - 31 | +29 | 59 |
3. Valur | 26 | 11 | 8 | 7 | 60 - 41 | +19 | 41 |
4. Stjarnan | 26 | 11 | 6 | 9 | 48 - 41 | +7 | 39 |
5. ÍA | 26 | 11 | 4 | 11 | 48 - 41 | +7 | 37 |
6. FH | 26 | 9 | 7 | 10 | 41 - 47 | -6 | 34 |
Athugasemdir