Miðasala fyrir stærsta leik síðustu ára í íslenskum fótbolta hefst núna í hádeginu. Víkingur og Breiðablik eigast við næstkomandi sunnudag í hreinum úrslitaleik um sigur í Bestu deildinni.
Víkingar eru með yfirhöndina fyrir leikinn þar sem þeir eru með mun betri markatölu. Liðin eru hins vegar jöfn að stigum.
Víkingar eru með yfirhöndina fyrir leikinn þar sem þeir eru með mun betri markatölu. Liðin eru hins vegar jöfn að stigum.
Víkingar hafa tilkynnt fyrirkomulagið fyrir miðasöluna í dag en það verður svona:
12:00 – ársmiðahafar Víkings fá sent SMS með hlekk á miðasölu í númeruð sæti í stúku.
13:00 – ársmiðahafar Víkings fá sent SMS hlekk á miðasölu í stæði.
14:00 – almenn miðasala til Víkinga hefst, séu miðar enn til.
Miðasala til stuðningsfólks Breiðabliks fer fram hjá Blikum, en það verða um 250 miðar í boði þar. Breiðablik fær 10 prósent miða.
Í reglum KSÍ um knattspyrnuleikvanga segir: Minnst 5% heildarrýmis leikvangs skal vera tekið frá fyrir fylgismenn gestaliðs og vera innan lokaðs hólfs. Þessi forsenda er þó háð ákvörðun KSÍ og/eða staðaryfirvalda hvað varðar öryggi og gæslu (áhættusamir leikir o.s.frv.). Skilyrðið um lokað hólf þarf ekki að uppfylla á leikjum í mótum innanlands, nema KSÍ geri sérstaklega kröfu til slíks.
Það mun án efa seljast upp á mettíma en færri munu komast að en vilja á þennan stórmerkilega leik.
Athugasemdir