Marta Björgvinsdóttir er gengin til liðs við Fjölni á ný en hún kemur til liðsins frá Álftanesi. Hún gerir tveggja ára samning.
Marta er miðjumaður, fædd árið 2003, en hún er uppalin í Fjölni. Hún lék sinn fyrsta leik fyrir félagið árið 2019 en hún færði sig um set síðasta sumar og lék 17 leiki í 2. deild með Álftanesi.
Hún hefur leikið 105 leiki á meistaraflokksferlinum og skorað í þeim 12 mörk.
Þá tilkynnti Fjölnir að María Eir Magnúsdóttir hafi skrifað undir nýjan tveggja ára samning við félagið.
María er fjölhæf á velliinum en hún er uppalin í Fjölni og hefur verið lykilmaður í liðinu undanfarin ár. Hún hefur leikið 61 leik fyrir félagið og skorað 15 mörk.
Athugasemdir
