,,Sturlað eintak''
Dusan Brkovic
„Þetta (Dusan) er einhver albesti einstaklingur sem ég hef á ævi minni kynnst. Þetta er svo mikill atvinnumaður að það er bara ekki eðlilegt. Hann er svo gjörsamlega tilbúinn að fórna sér í hverja einustu stöðu," sagði Ívar Örn Árnason, annar af miðvörðum KA, eftir leik liðsins gegn Stjörnunni í gær. Hann var spurður út í félaga sinn í hjarta varnarinnar hjá KA.
Ívar hefur átt frábært tímabil og við hlið hans hefur Serbinn Dusan Brkovic spilað. Dusan gekk í raðir KA fyrir síðasta tímabil og hefur spilað frábærlega með KA. Á laugardag var valið á úrvalsliði ársins opinberað og er Ívar í liðinu og Dusan á bekknum.
Ívar hefur átt frábært tímabil og við hlið hans hefur Serbinn Dusan Brkovic spilað. Dusan gekk í raðir KA fyrir síðasta tímabil og hefur spilað frábærlega með KA. Á laugardag var valið á úrvalsliði ársins opinberað og er Ívar í liðinu og Dusan á bekknum.
Sjá einnig:
Úrvalslið ársins í Bestu deildinni 2022
„Það er bara þvílíkur lúxus fyrir klúbbinn að eiga þennan leikmann og hafa hann hjá okkur. Hann er svo gífurlega mikilvægur, setur standardinn, hann er mættur fyrstur og farinn síðastur úr klefanum í kringum hverja einustu æfingu. Hann mætir á hverjum einasta degi í ræktina - þetta er sturlað eintak."
„Hann lætur mig vera rólegan á boltanum af því ég veit að hann er alltaf tilbúinn að bakka mig upp," sagði Ívar.
Dusan er 33 ára gamall og kom til KA frá Radnik í Serbíu sem endaði í sjötta sæti serbnesku deildarinnar vorið 2021.
Ívar skallar í burtu og Dusan er klár fyrir aftan.
Athugasemdir
