Hlynur Freyr Karlsson er samkvæmt heimildum Aftonbladet á leið til sænska félagsins Brommapojkarna.
Sænski miðillinn segir frá því að Brommapojkarna sé að kaupa íslenska landsliðsmanninn. Sagt er að Hlynur hafi lengi verið ofarlega á óskalistanum hjá sænska félaginu. Aftonbladet býst við því að tilkynnt verði um skiptin á morgun eða hinn.
Sænski miðillinn segir frá því að Brommapojkarna sé að kaupa íslenska landsliðsmanninn. Sagt er að Hlynur hafi lengi verið ofarlega á óskalistanum hjá sænska félaginu. Aftonbladet býst við því að tilkynnt verði um skiptin á morgun eða hinn.
Haugesund í Noregi keypti Hlyn Frey í vetur frá Val en hann hefur takmarkað spilað í Noregi. Hann var valinn í A-landsliðið fyrir vináttuleikina í síðasta mánuði en þurfti að draga sig úr hópnum vegna meiðsla.
Hann er fyrrum fyrirliði U19 landsliðsins og var lykilmaður í U21 landsliðinu á síðasta ári.
Brommapojkarna er í 11. sæti Allsvenskan eftir tólf umferðir.
Athugasemdir
