Þýski landsliðsmarkvörðurinn fyrrverandi Oliver Kahn er í viðræðum um kaup á franska fótboltafélaginu Bordeaux.
Kahn er í beinum samskiptum við Gerard Lopez forseta Bordeaux er þeir standa í viðræðum um eigendaskipti félagsins.
Arnaud De Carli, varaforseti Bordeaux, staðfesti þetta í viðtali við The Associated Press.
Kahn viðurkenndi þetta sjálfur í viðtali við þýska miðilinn Bild.
Bordeaux er sögufrægt félag í Frakklandi en skuldar um 120 milljónir evra og leikur í fjórðu efstu deild eftir að hafa verið dæmt niður vegna fjárhagsörðugleika.
Athugasemdir
