Miðjumaðurinn Árni Elvar Árnason er genginn í raðir Fjölnis frá Þór á Akureyri.
Árni er 28 ára gamall og gerir tveggja ára samning við Fjölni en hann er gríðarlega reynslumikill leikmaður sem spilaði 19 leiki með Þór í Lengjudeildinni á síðustu leiktíð.
Hann er uppalinn í Leikni og alls spilað 177 leiki með uppeldisfélaginu ásamt því að skora níu mörk og á einnig leiki með KB, venslafélagi Leiknis.
Fjölnismenn voru nálægt því að komast upp í Bestu deildina á síðustu leiktíð. Liðið var um tíma á toppnum í Lengjudeildinni en slæmur kafli í ágúst og tap í lokaumferðinni varð til þess að ÍBV vann deildina.
Liðið datt síðan úr leik í undanúrslitum umspilsins og voru það nágrannar þeirra í Aftureldingu sem fóru upp í fyrsta sinn í sögunni.
Athugasemdir
