Sven Botman er í liði Newcastle
Tottenham og Newcastle United hefja 20. umferð ensku úrvalsdeildarinnar klukkan 12:30 í dag en spilað er á Tottenham Hotspur-leikvanginum í Lundúnum.
Newcastle-liðið er á góðu skriði en það hefur unnið síðustu fjóra deildarleiki sína með sjóðandi heitan Alexander Isak fremstan á vellinum.
Tottenham er á meðan án sigurs í síðustu þremur leikjum sínum og er í 11. sæti með 24 stig, átta stigum á eftir Newcastle.
Ange Postecoglou, stjóri Tottenham, gerir fimm breytingar frá jafnteflinu gegn Wolves. Heung-Min Son, fyrirliði liðsins, er á bekknum á meðan Timo Werner byrjar.
Fabian Schär er í banni og því ekki með Newcastle en Sven Botman kemur inn í liðið og spilar sinn fyrsta leik síðan í mars. Tino Livramento kemur þá inn fyrir Kieran Trippier.
Tottenham: Austin; Pedro Porro, Dragusin, Gray, Spence; Bergvall, Sarr, Kulusevski (c); Johnson, Solanke, Werner.
Newcastle: Dubravka; Hall, Burn, Botman, Livramento; Joelinton, Tonali, Guimaraes; Gordon, Isak, Murphy.
Athugasemdir
