Willum Þór Willumsson skoraði þegar Birmingham lagði Wigan í þriðju efstu deild á Englandi í dag.
Willum hefur verið í lykilhlutverki hjá liðinu á tímabilinu en Chris Davies, þjálfari liðsins, hefur verið duglegur að rótera liðinu í jólatörninni en Willum hefur byrjað alla leikina.
Hann skoraði þriðja markið í 3-0 sigri í dag en Birmingham er á toppnum með 53 stig. Alfons Sampsted hefur ekki verið í hópnum síðan í byrjun nóvember.
Kristófer Jónsson spilaði allan leikinn í 3-0 sigri Triestina gegn Union Clodiense í C deildinni á Ítalíu. Triestina er í næst neðsta sæti með 16 stig eftir 21 umferð, þetta var þriðji sigur liðsins í síðustu fjórum leikjum.
Jason Daði Svanþórsson spilaði rúmlega 80 mínútur þegar Grimsby tapaði 3-1 gegn Bradford í fjórðu efstu deild á Englandi. Grimsby er í 9. sæti með 37 stig eftir 25 umferðir.
Athugasemdir
