Pétur Péturs: Einhver 100 lið búin að bjóða í hana

Leikurin var lengi vel lokaður og ekkert svakalega mikil skemmtun á köflum. „Þegar tveir gamlir þjálfarar saman þá verður allt lokað," sagði Pétur léttur.

„Mér fannst þetta alveg geta verið jafnteflisleikur en sem betur fer náðum við markinu í restina. Það gat allt skeð í þessum leik."

Amanda Andradóttir byrjaði á bekknum í kvöld en hún hefur verið frábær í sumar. Það er mikill áhugi á henni erlendis frá en Pétur var spurður að því í viðtalinu hvort hún væri á förum í sumarglugganum.

„Nei," sagði Pétur þegar hann var spurður að því hvort eitthvað væri til í því. „Ég held að það séu einhver 100 lið búin að bjóða í hana. Þetta snýst ekki um okkur, þetta snýr að henni. Við vissum það þegar hún kom til Vals að hún myndi fara út á einhverjum tímapunkti. Hvenær það er, hún ákveður það. Þá óskum við henni bara góðs gengis."

Hægt er að sjá allt viðtalið í spilaranum hér að ofan.