Tottenham hefur gengið frá kaupunum á tékkneska markverðinum Antonin Kinsky en hann kemur til félagsins frá Slavía Prag. Þetta kemur fram í tilkynningu frá félaginu.
Kinsky er 21 árs gamall og verið besti markvörður tékknesku deildarinnar á þessu tímabili.
Hann hélt tólf sinnum hreinu í nítján leikjum og var þá kallaður inn í tékkneska A-landsliðið í Þjóðadeildinni í nóvember.
Tottenham var heillað af frammistöðu hans og hefur nú gengið frá kaupum á honum, en hann kostar félagið 12,5 milljónir punda og gerir samning til 2031.
Félagið bíður nú eftir að markvörðurinn fái atvinnuleyfi.
Tottenham hefur verið í markvarðarveseni á tímabilinu en Guglielmo Vicario meiddist á ökkla og verður frá næstu mánuði, en Fraser Forster kom inn í hans stað.
Forster hefur spilað sjö deildarleiki og fengið á sig fimmtán mörk en hann var ekki með vegna veikinda gegn Newcastle og kom því þriðji markvörður liðsins, Brandon Austin, inn í liðið og þótti standa sig vel.
We are delighted to announce the signing of Antonin Kinsky, subject to international clearance and work permit ??
— Tottenham Hotspur (@SpursOfficial) January 5, 2025
Athugasemdir
