Til greina kemur að fresta leik Liverpool og Manchester United sem fer fram klukkan 16:30 á Anfield í dag.
Snjó kyngdi niður á Bretlandseyjum í dag og hefur þremur flugvöllum þegar verið lokað, þar á meðal John Lennon flugvellinum í Liverpool-borg og flugvellinum í Manchester.
Þremur leikjum hefur þá verið frestað í neðri deildunum á Englandi og kemur til greina að fresta leik Liverpool og Man Utd.
Vallaraðstæður þykja góðar en það er ekki helsta áhyggjuefnið, heldur er það að geta búið til öruggt aðgengi fyrir stuðningsmenn á völlinn.
Sérstök öryggisnefnd fundaði um málið í morgun en engin ákvörðun tekin. Aftur verður fundað eftir hádegi og mun þá endanleg niðurstaða liggja fyrir, en leikurinn mun fara fram eins og staðan er núna.
Ef ákveðið verður að fresta leiknum verður það annar leikurinn sem frestað er hjá Liverpool á tímabilinu, en í síðasta mánuði var leik liðsins gegn nágrönnum þeirra í Everton frestað vegna óveðurs.
A safety meeting was held this morning to assess the weather and travel conditions for today’s fixture against Manchester United at Anfield.
— Liverpool FC (@LFC) January 5, 2025
At this stage the match is planned to go ahead as normal and every effort is being made to get the game on.
A further safety meeting…
Athugasemdir
