Úrúgvæski framherjinn Luis Suarez hjálpaði lögreglunni í Úrúgvæ við að bjarga manni sem hótaði að fremja sjálfsvíg en þetta segir blaðamaðurinn Favian Renkel á X.
Þjóðhetjan Suarez eyðir fríi sínu í heimalandinu á meðan hann safnar kröftum fyrir nýtt tímabil í Bandaríkjunum.
Lögreglan í Úrúgvæ leitaði til Suarez vegna manns sem hafði klifrað upp í tré og hótað að drepa sig.
Suarez mætti á svæðið og ræddi við manninn en þrátt fyrir tilraunir hans ákvað maðurinn að vera áfram á sínum stað. Kallaði hann eftir því að eiginkonan kæmi og talaði við hann.
Maðurinn klifraði upp í tréið í gærkvöldi og hafði því eytt heilum sólarhring þar.
Blaðamaðurinn Renkel uppfærði fylgjendur sína reglulega af ástandinu og í morgun komu jákvæðar fréttir en maðurinn samþykkti að koma niður.
Segir Renkel að Suarez hafi sýnt að áhrif fótboltamannsins nái langt út fyrir fótboltavöllinn eins og í þessu tilviki og að hann hafi átt stóran þátt í því að sannfæra manninn um hvað lífið getur verið dýrmætt.
Here is a photo of the scene pic.twitter.com/PGtFp5iIWp
— Favian Renkel (@FavianRenkel) January 4, 2025
Athugasemdir
