Enski varnarmaðurinn Ben Godfrey er á leið til Ipswich Town frá Atalanta en hann verður væntanlega kynntur sem nýr leikmaður félagsins á morgun.
Godfrey er 26 ára gamall miðvörður sem kom til Atalanta frá Everton fyrir tímabilið.
Englendingurinn hefur átt í erfiðleikum með að brjóta sér leið inn í lið Atalanta og aðeins spilað um 93 mínútur í öllum keppnum.
Samkvæmt Sky er hann að snúa aftur í ensku úrvalsdeildina, en hann mun á næsta sólarhringnum ganga í raðir Ipswich á láni út tímabilið.
Godfrey er mættur á Craven Cottage að fylgjast með Ipswich spila gegn Fulham og því stutt í að nýliðarnir tilkynni komu hans á samfélagsmiðlum.
Varnarmaðurinn spilaði 2 A-landsleiki fyrir England gegn Austurríki og Rúmeníu árið 2021 en ekki verið í myndinni síðustu ár.
Athugasemdir
