Ibrahima Konate er mættur aftur í vörn Liverpool
Kobbie Mainoo byrjar á miðsvæðinu
Liverpool og Manchester United mætast í erkifjendaslag í 20. umferð ensku úrvalsdeildarinnar á Anfield í dag en leikurinn verður flautaður á klukkan 16:30.
Í morgun var óttast að leikurinn færi ekki fram vegna mikillar snjókomu í nótt.
Völlurinn var í toppstandi en helsta áhyggjuefnið var öruggt aðgengi fyrir stuðningsmenn að leikvanginum. Eftir sérstakan fund öryggisnefndar var ákveðið að leikurinn yrði spilaður í dag og hafa báðir stjórar nú tilkynnt byrjunarliðin.
Það er mikið fagnaðarefni fyrir Liverpool í dag en franski miðvörðurinn Ibrahima Konate er kominn til baka úr meiðslum og kemur beint í varnarlínuna. Curtis Jones fær þá kallið á miðjunni en Dominik Szoboszlai er ekki með vegna veikinda.
Liverpool: Alisson, Alexander-Arnold, Konate, Van Dijk, Robertson, Gravenberch, Mac Allister, Jones, Salah, Díaz, Gakpo.
Ruben Amorim gerir þrjár breytingar á liði Man Utd. Kobbie Mainoo, Manuel Ugarte og Bruno Fernandes koma allir inn á miðsvæðið í stað Casemiro, Christian Eriksen og þá dettur Joshua Zirkzee einnig úr liðinu.
Marcus Rashford er ekki í hópnum hjá United í dag en hann hefur verið að glíma við veikindi.
Man Utd: Onana, Mazraoui, De Ligt, Maguire, Martínez, Dalot, Mainoo, Ugarte, Fernandes, Diallo, Höjlund.
Athugasemdir
