Það komu nokkrir Íslendingar við sögu í leikjum dagsins víða um heim, þar sem Damir Muminovic lék allan leikinn í góðum sigri DPMM í Singapúr.
DPMM vann 3-1 í singapúrska bikarnum og er í efsta sæti í sínum riðli, með sjö stig eftir þrjár umferðir.
Í efstu deild í Danmörku gerði Lyngby jafntefli á útivelli gegn Bröndby í nágrannaslag í höfuðborginni. Sævar Atli Magnússon lék allan leikinn í liði Lyngby sem er í harðri fallbaráttu.
Sævar og félagar tóku forystuna snemma í síðari hálfleik en heimamenn í liði Bröndby jöfnuðu í uppbótartíma til að bjarga stigi.
Lyngby er með 12 stig eftir 20 umferðir og þarf að safna sem flestum stigum fyrir lokakafla tímabilsins.
Að lokum fóru leikir fram í sænska kvennaboltanum, þar sem Bryndís Arna Níelsdóttir var í tapliði Växjö gegn Malmö í fyrstu umferð í Svenska Cupen.
Växjö komst í tveggja marka forystu en missti hana niður og urðu lokatölur 4-3.
Fanney Inga Birkisdóttir, fædd 2005, varði þá mark BK Häcken í 7-1 sigri gegn Vittsjö.
DPMM 3 - 1 Albirex Niigata
Brondby 1 - 1 Lyngby
Malmo 4 - 3 Vaxjo
Hacken 7 - 1 Vittsjo
Athugasemdir
