Pólski markvörðurinn Wojciech Szczesny vonast til að fá nýjan samning hjá Barcelona eftir góða frammistöðu á sínu fyrsta tímabili með félaginu.
Szczesny lagði markmannshanskana á hilluna síðasta sumar en tók þá niður til að semja við Barcelona eftir slæm meiðsli Marc-André ter Stegen.
Szczesny barðist við Inaki Pena um markmannsstöðuna og hafði betur að lokum. Hann er í dag mikilvægur hlekkur í afar sterku byrjunarliði Barca undir stjórn Hansi Flick.
Szczesny verður 35 ára í apríl og elskar lífið í Barcelona.
„Þegar ég skrifaði undir samninginn hérna bjóst ég ekki við að vera lengur heldur en út tímabilið, en ég elska lífið hérna," sagði Szczesny.
„Fjölskyldan mín er hamingjusöm. Sonur minn elskar skólann sinn og konar mín elskar að búa hérna. Ég er opinn fyrir því að vera hérna áfram."
14.02.2025 21:15
Vonast til að halda Szczesny áfram á næstu leiktíð
Athugasemdir
