Toni Espinosa.
Nú stendur yfir leikur Hauka og Selfoss í Inkasso-deildinni en Haukar eru 4-0 yfir og Selfyssingar í frjálsu falli.
Mjög áhugavert atvik gerðist eftir að Haukar komust í 2-0 á 37. mínútu en Toni Espinosa, spænskur leikmaður Selfyssinga, ákvað sjálfur að yfirgefa völlinn.
Mjög áhugavert atvik gerðist eftir að Haukar komust í 2-0 á 37. mínútu en Toni Espinosa, spænskur leikmaður Selfyssinga, ákvað sjálfur að yfirgefa völlinn.
Arnar Daði Arnarsson, fréttaritari Fótbolta.net, er á staðnum og segir að Gunnar Borgþórsson, þjálfari Selfyssinga, hafi látið Espinosa heyra það í kjölfarið og vikið honum af bekknum.
Svavar Berg Jóhannsson kom inn fyrir Toni Espinosa.
„Þess má geta að skiptingin sem Selfoss gerði á 38. mínútu var allt annað en eðlileg. Toni Espinosa gekk af velli án þess að Gunnar Borgþórsson þjálfari Selfyssinga tæki eftir því og settist á bekkinn. Gunnar reiddist í kjölfarið og setti þá Svavar Berg Jóhannson inn á. Gunnar verður spurður nánar út í þetta í viðtali eftir leik," skrifar Helgi Fannar Sigurðsson sem stýrir textalýsingu frá leiknum.
Eitt það furðulegasta sem ég hef séð lengi á knattspyrnuvellinum. Toni Espinosa gekk sjálfur af velli eftir að Haukar komust í 2-0 og neitaði að fara aftur inná. Hann gæti þurft að fara á puttanum heim á Selfoss eftir leik eða bara beint upp á flugvöll. #fotboltinet pic.twitter.com/2EN1Ev8YDk
— Arnar Daði Arnarsson (@arnardadi) June 8, 2018
Athugasemdir
