Lautaro Martínez er orðaður við Arsenal.
Victor Osimhen.
Það er Powerade sem býður þér upp á slúðurpakkann á hverjum degi. Þar skoðum við inn í ensku götublöðin og víðar.
Arsenal er tilbúið að borga 150 milljónir evra (128 milljónir punda) fyrir argentínska framherjann Lautaro Martínez (27) hjá Inter. (Fichajes)
Chelsea er tilbúið að borga Manchester United fimm milljónir punda til að hverfa frá skuldbindingum sínum um kaup á Jadon Sancho (25). (Sun Club)
Morgan Gibbs-White (25), miðjumaður Nottingham Forest og enska landsliðsins, er einn af þeim kostum sem Manchester City er að íhuga sem staðgengil fyrir belgíska miðjumanninn Kevin de Bruyne (33). (Athletic)
Victor Osimhen (26), framherji Napoli og Nígeríu, vill fara til Juventus eða í enska boltann þegar lánstíma hans hjá Galatasaray lýkur. Chelsea, Arsenal og Manchester United hafa öll áhuga á framherjanum sem er falur fyrir 56 milljónir punda. (ESPN)
Nígeríski miðjumaðurinn Frank Onyeka (27) mun snúa aftur til Brentford þegar lánstímabili hans hjá Augsburg lýkur í sumar. (Florian Plettenberg)
Bayern München og Ajax hafa sent útsendara til að fylgjast með Divine Mukasa (17), miðjumanni Manchester City og U18 ára landsliðsins, þó að City ætli að framlengja samning hans. (Fabrizio Romano)
Enzo Maresca, stjóri Chelsea, býr sig undir að vera án úkraínska kantmannsins Mykhailo Mudryk (24) og franska framherjans Christopher Nkunku (27) á næstu leiktíð. (Sun Club)
Arsenal er að undirbúa tilboð upp á 30 milljónir evra (25,6 milljónir punda) í Arda Guler (20) miðjumann Real Madrid og Tyrklands. Hann er ekki ánægður með takmarkaðan spiltíma í Madríd. (Fichajes)
Það freistar Oliver Glasner, stjóra Crystal Palace, að fara frá félaginu í sumar til að taka við RB Leipzig. (Football Insider)
Athugasemdir
