Declan Rice skrifaði sig í sögubækurnar í gær þegar hann skoraði tvö mögnuð aukaspyrnumörk fyrir Arsenal í 3-0 sigri gegn Real Madrid í 8-liða úrslitum Meistaradeildarinnar.
Hann er fyrsti leikmaðurinn til að skora tvennu beint úr aukaspyrnu í sama leik í útsláttarkeppni Meistaradeildarinnar.
Þetta er magnað afrek í sjálfu sér, en sérstaklega í ljósi þess að Rice hefur aldrei áður skorað beint úr aukaspyrnu á ferli sínum sem atvinnumaður í fótbolta.
Seinni leikurinn fer fram í Madríd í næstu viku og ríkir gríðarleg eftirvænting fyrir stórslaginn.
Athugasemdir
