Erik ten Hag
Patrice Evra, fyrrum leikmaður Manchester United og franska landsliðsins, heldur því fram að traust milli Erik ten Hag og leikmanna hans hafi beðið hnekki eftir 6-3 tapið gegn nágrönnum þeirra í Manchester City síðustu helgi.
United fékk skell gegn Man City eftir að hafa unnið síðustu fjóra leiki þar á undan.
Liðið var á góðri siglingu og virtist hafa fundið taktinn en svo fékk liðið sex mörk á sig.
Erik ten Hag var ósáttur við úrslitin og gagnrýndi ýmislegt í leik sinna manna en Evra telur að þetta hafi haft áhrif á traust Ten Hag og leikmanna hans.
„United kom mér í svo mikið uppnám gegn Man City og það komu slæmar minningar í kjölfarið. Er liðið nógu sterkt til að sýna skjót viðbrögð og koma til baka? Ég held að traust á milli leikmanna og stjóra hafi horfið að einhverju leyti eftir nágrannaslaginn. Sumir leikmenn verða viðkvæmir þegar stjórinn skýtur á þá eftir leik því leikmenn vilja helst kenna öðrum um," sagði Evra fyrir leik United gegn Everton í dag.
Athugasemdir
