Davíð Snorri fylgist með æfingu á Spáni í gær.
Ísland mætir Svartfjallalandi í Þjóðadeild karla í Niksic á laugardagskvöldið þjálfarateymið tók ákvörðun um að æfa ekki á keppnisvellinum.
Upphaflega átti leikurinn að fara fram á hefðbundnum heimavelli í Podgorica en UEFA mat völlinn ekki leikhæfann því grasvöllurinn fór illa í hitanum í sumar.
Því var ákveðið að færa leikinn til Niksic sem er í rúmlega klukkutíma akstursfjarlægð frá Podgorica þar sem íslenska liðið verður á hóteli.
Vaninn er að liðið æfi á keppnisvellinum degi fyrir leik en að þessu sinni var afráðið að nýta sér ekki þann möguleika og sleppa þar með við mikinn akstur fram og til baka. Því verður æft á vellinum í Podgorica sem UEFA taldi ekki leikhæfan.
„Við gátum farið og æft það en ákváðum að æfa í borginni. Það er rúmlega klukkutíma rútuferð á leikstaðinn og hefði þurft að far fram og til baka daginn fyrir leik," sagði Davíð Snorri Jónasson aðstoðarþjálfari íslenska landsliðsins við Fótbolta.net á Spáni þar sem liðið undirbýr sig undir verkefnið.
„Við ákváðum að æfa í borginni og ég hef engar áhyggjur af því að fara ekki á völlinn fyrr en á leikdag," bætti hann við.
Athugasemdir
