Sesar, sem er fæddur árið 2006, átti gott sumar bæði með meistaraflokk og 2. flokk. Sesar kom við sögu í sextán leikjum í 2.deildinni og skoraði tvö mörk auk nokkurra stoðsendinga. Þá skoraði hann 22 mörk í 20 leikjum í 2. flokki.

Það er óhætt að segja að Fótbolti.net bikarinn hafi verið keppnin hans Sesars í sumar. Þar skoraði hann fjögur mörk í jafnmörgum leikjum og setti kirsuberið á tertuna þegar hann skoraði á Laugardalsvelli, auk þess að gefa tvær stoðsendingar í úrslitaleiknum gegn KFA.

„Hann var verðskuldað valinn maður leiksins," segir í tilkynningu Selfoss sem spilar í Lengjudeildinni á næsta tímabili.