Glódís Perla Viggósdóttir og stöllur hennar í þýska meistaraliðinu Bayern München unnu 2-0 sigur á Juventus í 2. umferð í riðlakeppni Meistaradeildar Evrópu í kvöld.
Bayern hefur farið vel af stað í keppninni og unnið báða leiki sína í riðlinum.
Linda Dallmann skoraði fyrir Bayern á 17. mínútu leiksins og þá tryggði Pernille Harder sigurinn tæpum tuttugu mínútum fyrir leikslok.
Bayern er með fullt hús stiga á toppi C-riðils eftir tvær umferðir en Juventus í öðru sæti með 3 stig.
Manchester City vann þá nauman 3-2 sigur á St. Pölten frá Austurríki.
Alana Kennedy skoraði stórkostlegt mark af 25 metra færi á 6. mínútu en Melanie Brunnthaler tókst að snúa taflinu við fyrir heimakonur með tveimur mörkum sitt hvoru megin við hálfleikinn.
Japanska landsliðskonan Aoba Fujino, sem lagði upp fyrsta mark Man City, jafnaði metin á 58. mínútu áður en Mary Fowler tryggði gestunum sigurinn á 80. mínútu.
Man City er á toppnum með D-riðli með 6 stig en St Pölten án stiga á botninum.
Úrslit og markaskorarar:
Juventus 0 - 2 Bayern München
0-1 Linda Dallmann ('17 )
0-2 Pernille Harder ('73 )
St. Polten 2 - 3 Manchester City
0-1 Alanna Kennedy ('6 )
1-1 Melanie Brunnthaler ('41 )
2-1 Melanie Brunnthaler ('54 )
2-2 Aoba Fujino ('58 )
2-3 Mary Fowler ('80 )
Athugasemdir