Jürgen Klopp. stjóri Liverpool á Englandi, óskaði Manchester United til hamingju með að vera komið áfram í undanúrslit enska bikarsins eftir magnaðan sigur United á Old Trafford í dag.
Liverpool var ekki upp á sitt besta í dag. United var betri aðilinn framan af en Liverpool komst síðan betur inn í leikinn og leiddi í hálfleik, 2-1.
Undir lok leiks náði United betri tökum á leiknum, jafnaði metin og kláraði síðan dæmið í framlengingunni.
„Við byrjuðum ekki vel en náðum að aðlagast vel og spiluðum toppleik. Í stöðunni 2-1 fengum við svo mörg færi til að gera út um leikinn, en vorum að flýta okkur of mikið á sumum augnablikum og þið vitið rest. Við vorum nálægt því í framlengingu en síðan endum við á að tapa leiknum. Ég gat ekki beðið strákana um mikið meira,
„Þetta hefur verið mjög spennuþrungið tímabil til þessa. Þú getur bara talið leikina og í dag var þetta erfitt. United tók margar áhættur og ég ber mikla virðingu fyrir því.
„Ákvarðanatakan verður ekki betri því lengra sem líður á leikinn. Ég vil bara óska United innilega til hamingju með að vera komið áfram í undanúrslit,“ sagði Klopp.
Athugasemdir
