Jóhann Ægir Arnarsson, varnarmaður FH, er með slitið krossband en hann staðfesti tíðindin í samtali við Fótbolta.net í dag.
Hann verður því ekki meira með á þessu tímabili, er á leið í aðgerð 9. ágúst og snýr líklega aftur eftir að næsta tímabil hefst.
Hann verður því ekki meira með á þessu tímabili, er á leið í aðgerð 9. ágúst og snýr líklega aftur eftir að næsta tímabil hefst.
Krossbandið slitnaði á æfingu með FH í síðustu viku, Jóhann festist í grasinu þegar hann var að pressa.
Hann er tvítugur og var í vetur í æfingahópi U21 landsliðsins. Hann lék sína fyrstu keppnisleiki með FH tímabilið 2021, kom við sögu í þrettán deildarleikjum í fyrra og byrjaði sex af fyrstu þrettán leikjum FH í deildinni í sumar og tvo síðustu bikarleiki liðsins.
Þetta er talsvert högg fyrir FH sem er ekki með mikla breidd í varnarlínunni sinni. Næsti leikur liðsins er gegn KR á Meistaravöllum annað kvöld.
Athugasemdir
