„Meiðsli Saka eru ekki alvarleg, hann er að koma til baka. Hann hefur getað gert nokkra hluti á æfingu síðustu tvo daga. Hann var ekki klár í að spila seinni leikinn með Englandi en við erum vonbóð. Við erum með æfingu seinni partinn, hann tók þátt í hluta æfingarinnar í gær, sjáum til hvort hann verði klár í tæka tíð fyrir leikinn á morgun," sagði spænski stjórinn um enska kantmanninn.

Ben White, Jurrien Timber og Oleksandr Zinchenko eru einnig að nálgast endurkomu, en lengra er í Martin Ödegaard.

Havertz var ekki með þýska landsliðinu í síðustu landsleikjum. Hann hefur glímt við meiðsli en er í meðhöndlun. Arteta segir að ef hann æfi með liðinu í dag þá gæti hann spilað.

Martinelli lenti á Englandi í gær eftir landsleiki með Brasilíu. Hann kom ekkert við sögu í seinni leiknum. „Við þurfum að sjá til."

„Vonandi fáum við jákvæðar fréttir í dag um að einhverjir verða klárir fyrir morgundaginn," sagði Arteta.