Ítalska félagið Juventus er enn harðákveðið í því að losa sig við franska miðjumanninn Paul Pogba, þrátt ummæli hans í erlendum miðlum í gær. Þetta kemur fram á TuttoMercatoWeb.
Fjölmörg viðtöl við Pogba birtust á netinu í gær þar sem hann sagðist ekki vera að íhuga það að yfirgefa Juventus í janúarglugganum.
Ítalskir miðlar hafa haldið því fram að Pogba hafi spilað sinn síðasta leik fyrir Juventus.
Pogba var fyrr á þessu ári dæmdur í fjögurra ára bann frá fótbolta fyrir að hafa brotið lyfjareglur, en íþróttadómstóll CAS stytti bannið niður í átján mánuði. Hann má því byrja að æfa með liðinu í janúar og fær að snúa síðan aftur á völlinn í mars.
Frakkinn hefur undanfarið verið orðaður við Marseille, AC Milan, Barcelona og félög í Sádi-Arabíu, en hann sjálfur vill fá tækifærið á að spila aftur með Juventus.
TuttoMercatoWeb segir að Juventus hafi ekki áhuga á því að halda Pogba og að nú sé unnið að því að rifta samningi hans.
Pogba er ekki í plönum Thiago Motta, sem tók við liðinu í sumar.
Athugasemdir
