Atletico Madrid fékk refsingu vegna hegðunar stuðningsmanna liðsins í grannaslag gegn Real Madrid í lok september.
Stuðningsmennirnir köstuðu kveikjurum og rafrettum í átt að Thibaut Courtois markverði Real Madrid og þurfti því að stöðva leikinn til að koma ró á mannskapinn áður en hægt væri að halda áfram með leikinn.
Atletico fékk 45 þúsund evru sekt og stúkunni á heimavelli liðsins átti að loka að hluta til í næstu þremur leikjum.
Atletico áfrýjaði dómnum og bannið var stytt í einn leik og félagið þarf aðeins að borga 3 þúsund evru sekt.
Athugasemdir