Pogba snýr aftur á völlinn í mars en þá verður hann búinn að taka út átján mánaða bann fyrir að hafa brotið lyfjareglur.

Framtíð Frakkans hefur mikið verið rædd síðustu daga og hafa erlendir miðlar verið að orða hann við Marseille í heimalandinu, en leikmaðurinn sjálfur hefur neitað fyrir að hann sé á förum frá Juventus.

Zlatan Ibrahimovic, góðvinur Pogba, sinnir nú stóru og mikilvægu starfi hjá AC Milan, en Frakkinn gæti samt ekki hugsað sér að fara þangað.

„Fer ég til AC Milan? Það er ómögulegt. Ibrahimovic veit það að þó hann myndi hringja í mig þá myndi ég samt ekki svíkja Juve. Ég sé mig ekki í annarri treyju og er einbeiting mín á að spila aftur í henni,“ sagði Pogba við Sky.