Óvíst er hvort Manuel Neuer, markvörður Bayern München, verði áfram í herbúðum félagsins eftir tímabilið.
Neuer, sem er 38 ára gamall, verður samningslaus eftir tímabilið, en hann hefur ekki í hyggju að leggja hanskana á hilluna.
Hann lagði landsliðshanskana á hilluna eftir Evrópumótið í sumar en telur sig enn eiga eitthvað inni í félagsliðafótbolta.
„Ég veit ekki hvort hann muni framlengja, en allir hjá félaginu vita hversu mikilvægur hann er fyrir Bayern. Það er eiginlega magnað hvernig hann hefur snúið aftur í Pep Guardiola-leikstílinn,“ sagði Rummenigge.
Neuer hefur verið á mála hjá Bayern síðan 2011 og verið fyrirliði liðsins síðan 2017.
Athugasemdir