Börsungar hafa verið að nýta sér þann markað síðastliðin ár vegna fjárhagsvandræða.

Í sumar gætu fleiri leikmenn komið til félagsins á frjálsri sölu en Mundo Deportivo segir frá nokkrum leikmönnum sem Barcelona er með augastað á.

Jonathan Tah, miðvörður Bayer Leverkusen og þýska landsliðsins, er efstur á óskalistanum. Hann er víst búinn að tjá Leverkusen að hann ætli ekki að framlengja.

Tveir vinstri bakverðir eru nefndir; Reinildo Mandava hjá Atletico Madrid og Alphonso Davies frá Bayern München. Sá síðarnefndi er líka orðaður við Manchester United og Real Madrid.

Þá er Jonathan David, sóknarmaður Lille, á óskalistanum. Hann hefur verið duglegur að skora í Frakklandi.

Barcelona hefur farið vel af stað á tímabilinu og er á toppi spænsku úrvalsdeildarinnar.