Howard Webb, yfirmaður dómaramála á Englandi, segir að VAR mistökum hefur fækkað um 80% á þessari leiktíð frá sama tíma á síðustu leiktíð.
Óháð nefnd skipuð fyrrum leikmönnum úrvalsdeildarinnar fara yfir hvert atvik fyrir sig vikulega og þeir hafa komist að þeirri niðurstöðu að VAR hafi gert tvö mistök á þessari leiktíð samanborð við tíu mistök á sama tíma á síðustu leiktíð.
Það er m.a. atvik þar sem Bruno Fernandes leikmaður Man Utd fékk rautt spjald fyrir brot á James Maddison leikmanni Tottenham.
„Við opinberuðum hljóðbrot þar sem maður heyrir aðstoðardómarann, sem er með gott sjónarhorn, segja 'Þetta lítur illa út, 100% rautt fyrir mér," sagði Webb.
„Frá hans sjónarhorni leit þetta illa út því það lítur út fyrir að takkarnir hafi farið á undan. En það eru önnur sjónarhorn sýnd á Sky Sports. Ég sagði um leið 'Þetta verður tekið til baka', en það var ekki raunin. Ég var pirraður að við hefðum ekki stigið inn í til að leiðrétta því þetta var klárlega rangt að mínu mati."