Albert hefur skorað 10 mörk í 37 A-landsleikjum. Hann er kominn með 5 mörk í 16 leikjum hjá Fiorentina.
Ítalskir fjölmiðlar búast við því að Albert Guðmundsson verði fjarverandi næsta mánuðinn hið minnsta eftir að hann varð fyrir bakmeiðslum í 0-2 tapi á heimavelli gegn Como um helgina.
Talið er að Albert missi því af leikjum gegn Verona, Lecce, Napoli og Juventus áður en fyrsta landsleikjahlé ársins ber að garði í seinni hluta mars.
Óljóst er hvort hann geti verið klár í slaginn fyrir verkefni íslenska landsliðsins í mars, þegar Strákarnir okkar spila úrslitaleiki við Kósovó um sæti í B-deild Þjóðadeildarinnar. Tapliðið mun leika í C-deild á næstu leiktíð.
Kósovó sigraði leiki gegn Kýpur og LItháen til að fá umspilsleik við Ísland, en tapaði fyrir Rúmeníu.
Ísland tapaði gegn Wales og Tyrklandi en sigraði Svartfjallaland og sleppur því við beint fall niður um deild.
Athugasemdir
