Sölvi Geir Ottesen, fyrirliði Víkings
Keflavík tekur á móti Víkingi í leik sem hefst núna klukkan 19:15 í 13. umferð Pepsi Max deild karla.
Byrjunarliðin eru nýkomin í hús. Heimamenn gera 2 breytingar á byrjunarliði sínu frá tapleiknum gegn KR í Vesturbæ í síðustu umferð. Davíð Snær Jóhannsson er í leikbanni vegna 4 áminninga og er því ekki í hóp í dag. Dagur Ingi Valsson missir einnig sæti sitt í byrjunarliðinu og verður hann að taka sér sæti á varamannabekknum í kvöld. Í stað þeirra tveggja koma Adam Árni Róbertsson og Sindri Þór Guðmundsson í byrjunarliðið.
Í liði gestanna er bara ein breyting frá markalausa jafnteflinu í Kórnum gegn HK. Júlíus Magnússon fær sér sæti á meðal varamanna og Sölvi Geir Ottesen snýr aftur í byrjunarliðið.
Smelltu hér til að fara í beina textalýsingu.
Athugasemdir
