Eddie Howe, stjóri Newcastle, talaði um kollega sinn Jurgen Klopp á fréttamannafundi í gær.
Klopp fékk rauða spjaldið í 1-0 sigrinum á Manchester City í ensku úrvalsdeildinni á sunnudag.
Klopp missti sig á 85. mínútu eftir að Anthony Taylor og aðstoðardómarar hans dæmdu ekki brot á Bernardo Silva sem reif Mohamed Salah niður á vængnum.
Howe gagnrýndi Klopp þegar hann sagði: „Ég er mjög meðvitaður um að milljónir manna munu líta á mig, sérstaklega börn, og ég held að þú verðir að tryggja það að leikurinn sé leikinn á réttan hátt og með réttum anda."
Howe segir að hann passi það alltaf vel að hegða sér vel á hliðarlínunni.
Mikið hefur verið rætt um það á samfélagsmiðlum að Howe hafi ákveðið að tjá sig um Klopp á þessum fréttamannafundi. Netverjar hafa rifjað það upp þegar Howe og aðstoðarmaður hans, Jason Tindall, voru ákærðir af enska fótboltasambandinu árið 2015 fyrir að setja spurningamerki við heillindi dómara.
Þá skaut enski fjölmiðlamaðurinn Daniel Austin fast á Howe þegar hann sagði: „Hann er andlit í 'sportwashing' fyrir einræðisríki sem myrðir blaðamenn og börn í Jemen en hann dregur línuna við að öskra á línuvörð."
„Hann er greinilega með mjög flottan siðferðislegan áttavita."
Eigendur Newcastle koma frá Sádí-Arabíu og eru gríðarlega umdeildir, meðal annars vegna mannréttindabrota í gegnum árin. Þau brot gerðu yfirtökuna - sem fór fram á síðasta ári - flóknari. Fjárfestarnir, sem komu með 80% af peningunum fyrir kaupunum, þurftu að sanna að hópurinn væri aðskilinn ríkisstjórn Sádi-Arabíu en margir efast um að svo sé.
Fjallað hefur verið um það aðalástæðan fyrir yfirtökunni á Newcastle sé hvítþvottur hjá Sádí-Arabíu, það sé verið að reyna að bæta orðspor landsins með því að eiga fótboltafélag. Það er orðin þekkt stærð að stjórnvöld í löndum þar sem mannréttindi eru ekki í hávegum höfð kaupi fótboltafélög til að reyna að bæta orðspor sitt (e. sportswashing). Newcastle og Sádí-Arabía er eitt dæmi um það.
Þess má geta að KSÍ ætlar að hjálpa til í hvítþvættinum í næsta mánuði þegar íslenska landsliðið spilar við Sádí-Arabíu í vináttulandsleik.
Klopp hefur verið ákærður fyrir framkomu sína um helgina. Sá þýski á von á sekt og leikbanni fyrir hegðun sína á hliðarlínunni gegn City.
Fair play to Eddie Howe, who might have the biggest brass neck in the country.
— Daniel Austin (@_Dan_Austin) October 18, 2022
Fine fronting a sportswashing project for an authoritarian state which murders journalists and children in Yemen, but draws the line at shouting at a linesman.
Some moral compass, that.
Athugasemdir