UEFA hefur tilkynnt verulega hækkun á verðlaunaféinu sem stendur til boða á EM kvenna 2025.
Íslenska landsliðið tekur þátt í Evrópumótinu og mun því njóta góðs af hækkuninni eins og aðrar þátttökuþjóðir.
Heildarupphæðin sem verður í verðlaunafé á EM 2025 hljóðar upp á 41 milljón evra, sem er 125% hækkun frá því verðlaunafé sem stóð til boða á EM 2022.
Upphæðir sem þjóðir fá fyrir þátttöku á mótinu verða hærri en áður, ásamt því að fótboltafélög leikmanna sem taka þátt fá hærri skaðabætur en áður. UEFA ábyrgist þá að leikmenn fái hluta verðlaunafésins í vasana.
Athugasemdir
