Ísak Bergmann Jóhannesson skoraði í tapi Dusseldorf í næst efstu deild í Þýskalandi í kvöld.
Það hefur allt gengið á afturfótunum hjá Dusseldorf á þessari leiktíð en liðið var hársbreidd frá því að vinna sér sæti í efstu deild á síðustu leiktíð en tapaði í vítaspyrnukeppni í umspili.
Liðið lenti undir gegn Magdeburg í kvöld en Ísak jafnaði metin stuttu síðar þegar hann skallaði boltann í netið.
Dusseldorf var með 2-1 forystu í hálfleik en Magdeburg skoraði fjögur mörk í seinni hálfleik og vann því 5-2. Dusseldorf hefur aðeins unnið einn af síðustu átta leikjum sínum og er í 5. sæti með 26 stig eftir 17 umferðir.
Ísak spilaði allan leikinn en Valgeir Lunddal Friðriksson var tekinn af velli á 75. mínútu.
Athugasemdir
