Nicolas Jackson, framherji Chelsea, skoraði sigurmarkið í 2-1 sigri á Brentford um helgina.
Það var 23. markið í fimmtugasta leiknum hans í úrvalsdeildinni. Aðeins tveir leikmenn hafa skorað fleiri mörk í bláu treyjunni í fimmtíu fyrstu leikjum sínum.
Hollenski framherjinn Jimmy Floyd-Hasselbaink skoraði 34 mörk og Diego Costa skoraði 31 mark.
Eiður Smári Guðjohnsen og Tammy Abraham eru saman í fjórða sæti en þeir skoruðu 21 mark.
Jackson skoraði 14 mörk í 35 leikjum á síðustu leiktíð eftir komu sína frá Villarreal en hann hefur verið heitur á þessu tímabili og hefur skorað níu mörk í 15 leikjum.
Athugasemdir
