Marcus Rashford mun líklega yfirgefa Man Utd í janúar en hann sagði á dögunum að hann væri tilbúinn í nýja áskorun.
Hann var ekki í leikmannahópi liðsins í Manchester slagnum um síðustu helgi og sagði frá því í kjölfarið að hann vildi fara.
Enskir fjölmiðlar greina frá því að Man Utd sé tilbúið að leyfa honum að fara í janúar en er ekki tilbúið að selja hann til samkeppnisaðila í úrvalsdeildinni.
Hann er með samning sem gildir til 2028 og fær 325 þúsund pund í vikulaun. Það þýðir væntanlega að fá lið hafi efni á honum. Hann hefur verið orðaður við Sádí Arabíu en hann vill líklegast ekki fara þangað svona snemma á ferlinum.
Félagið er talið vera tilbúið að senda hann á lán út tímabilið.
Athugasemdir
