Joao Neves skoraði í sigri PSG
Franska stórliðið Paris Saint-Germain er áfram með sex stiga forystu í efsta sæti frönsku deildarinnar eftir að liðið vann þægilegan 3-0 sigur á Toulouse í kvöld.
Portúgalski miðjumaðurinn Joao Neves skoraði eftir undirbúning fyrirliðans Achraf Hakimi á 35. mínútu og þá bættu þeir Lucas Beraldo og Vitinha við tveimur mörkum á lokamínútum leiksins.
PSG hefur nú unnið fimm deildarleiki í röð og er komið með 32 stig í efsta sæti deildarinnar, sex stigum á undan Mónakó sem vann nauman 3-2 sigur á Brest.
Maghnes Akliouche skoraði tvö og Aleksandr Golovin eitt fyrir Mónakó.
Athugasemdir
