Arteta sagðist hafa allar upplýsingar um sína gömlu félaga og fóru blaðamenn að velta ummælunum fyrir sér.

Einhverjir töldu hann vera að ýja að því að hann vissi eitthvað um brot Man City á fjármálareglum deildarinnar, en það var alls ekki það sem hann meinti.

Pep Guardiola, stjóri Man City, og góðvinur Arteta til margra ára óskaði eftir því að Arteta væri skýrari í svörum sínum og hefur hann nú útskýrt mál sitt.

„Okei, ég get endurtekið orð mín. Ég elska Pep og hef dáðst að honum síðan ég var 10 ára gamall. Ég ber ómælda virðingu fyrir honum og er svo þakklátur fyrir allt sem hann hefur gert og lít ég á hann sem vin. Þegar ég tala um að ég viti hvaða þýðingu þetta hefur þá er ég að meina hversu mikla vinnu þeir leggja á sig.“

„Ástæðan fyrir því að þeir eru þarna er því þeir viðhalda hungrinu. Ég get ekki verið skýrari en það. Ég get ekki stjórnað því ef einhver vill skemma sambandið. Fyrir mér er snýst íþróttin um viljann til að vinna og þeir eru með þann vilja, þó þeir hafi unnið meira en allir aðrir. Vonandi er þetta nógu skýrt,“ sagði Arteta.