Orri Steinn er kominn á blað með Sociedad
Orri Steinn Óskarsson skoraði sitt fyrsta mark með spænska félaginu Real Sociedad er hann kom liðinu í 2-0 gegn Valencia á heimavelli í dag.
Framherjinn hefur farið fremur rólega af stað með liðinu en hann hafði byrjað einn leik og komið inn af bekknum í fjórum án þess að komast á blað.
Það kom loks að fyrsta marki hans í dag. Orri kom inn af bekknum á 61. mínútu og gerði annað mark liðsins tíu mínútum fyrir lok venjulegs leiktíma.
Brais Mendez slapp einn í gegn hægra megin og kom Orri með hlaupið á fjær. Mendez keyrði inn á teiginn og kom boltanum á fjær á Orra sem setti boltann framhjá Giorgi Mamardashvili og í netið.
Laglegt fyrsta mark Orra og vonandi eitt af fjölmörgum á þessu tímabili.
Sjáðu fyrsta mark Orra hér
Athugasemdir
