Norwich heimsótti Derby County og úr varð hörkuleikur, þar sem spænski sóknarleikmaðurinn Borja Sainz reyndist hetjan.

Sainz gerði sér lítið fyrir og skoraði þrennu í 2-3 sigri og er þá kominn með 6 mörk eftir 7 spilaða leiki á deildartímabilinu. Josh Sargent átti tvær stoðsendingar. Norwich er í efri hluta deildarinnar með 11 stig eftir þennan sigur, tveimur stigum fyrir ofan Derby.

Það var dramatík í Derby þar sem heimamenn voru brjálaðir eftir að eitt marka Norwich var skorað. Markið átti augljóslega ekki að standa eftir að boltinn fór útfyrir endalínuna í aðdragandanum, en ekki er notast við VAR kerfi í Championship deildinni.

Arnór Sigurðsson var þá ekki í hóp þegar Blackburn lagði QPR að velli 2-0. Blackburn er eitt af tveimur taplausum liðum deildarinnar, þar sem Arnór og félagar sitja í þriðja sæti með 15 stig eftir 7 fyrstu umferðirnar.

Að lokum vann Sheffield Wednesday frábæran sigur gegn toppliði West Bromwich Albion og er komið með 7 stig. West Brom er með 16 stig.

Staðan var 2-2 en Anthony Musaba gerði sigurmark Sheffield á 86. mínútu.

Blackburn 2 - 0 QPR
1-0 Lewis Travis ('52 )
2-0 Danny Batth ('63 )
Rautt spjald: Jonathan Varane, QPR ('45)

Derby County 2 - 3 Norwich
0-1 Borja Sainz ('45 )
1-1 Craig Forsyth ('60 )
1-2 Borja Sainz ('65 )
1-3 Borja Sainz ('87 )
2-3 Corey Blackett-Taylor ('90 )

Sheffield Wed 3 - 2 West Brom
1-0 Darnell Furlong ('9 , sjálfsmark)
2-0 Josh Windass ('23 )
2-1 Josh Maja ('65 )
2-2 Alex Mowatt ('84 )
3-2 Anthony Musaba ('86 )